لسه ناوي ع الفراق....عصام الادريسي
(لسه ناوى على الفراق)
عتابى ليك كان عتاب محبة مش عتاب فراق
مكانش خاطرى تزعل مني
لكن طبعي ماتعودش ع النفاق
اللحظة اللى كنت بتبعد فيها عنى
كنت بموت م الاشتياق
واما كنت بتزعل منى
كنت بموت من الاختناق
********".
ما تخيلتش انك ناوى ع الفراق
انت كنت فرحى وهمى
حبك كان بيجرى ف دمى
عمرى مافكرت فى يوم تزعل مني
لكن ظروفي كانت غصب عني
مشاكلى كانت كتير وفوق طاقتى
ورغم كل دا مااستحملتنيش )(
واستحملت عليك غيرتى
كنت ترجع لايام زمان
وافتكر صورتك الى ماكانتش بتفارقنى
كنت تقرا فى عينيا كلامى
قبل ماينطق بيه لسانى
كنت بتمدح فيا وبتستغرب من حنانى
كل دا اتنسي وبقيت عليك جانى
نسيت احلامنا وكل الامانى
فين كلامك الى كان عشانى
*********.
فين حبك اللى قولتلى انه مالك كيانك
كنت تقولى عشان حبك ابيع الدنيا عشانك
كنت بتوعدنى وتقولى انت فى قلبى
ولا غيرك هياخد مكانك
دلوقتى بقيت انا الجانى
وبتحرمنى من حنانك
ابعد خلاص مادام بكدا هيرتاح بالك
بس اوعى تنساني وتروح صورتى من خيالك
واعرف انى قلبى وحنيتى دوم بقيالك
واتاكد طول ماانت بعيد عنى من قلبى بدعيلك
ورغم بعدك برضه مستنيك
ولا قلبى هيحب غيرك
*********.
(لسه ناوى على الفراق )
بقلم
عصام الأدريسي
تعليقات
إرسال تعليق